Phile | PONPDN

EN PAULUS A KISIN LIKAU ON PILEMON.

Philemon

1 PAULUS salidi en Kristus Iesus amen, o ri atail Timoteus on Pilemon kompoke pat o at warok ni dodok kan. 2 O ri atail li Apia, o sauas pat Arkipus, o momodisou, me mi nan tanpas omui; 3 Mak o popol san ren Kot sam atail o atail Kaun Iesus Kristus en mi re omui! 4 I kin danke ai Kot ni ai kapakap kin komui ansau karos. 5 Pwe i roner duen omui limpok o poson on Kaun Iesus o on saraui kan karos. 6 Pwe poson o me mi retail en kakairida re omui, ni omui dedeki duen me mau kan karos, me mi reatail san ren Kristus. 7 Kit peren kidar o kamait kilar omui limpok, pwe monion en saraui kan en kelail kilar komui, ri ai. 8 I me i aimaki ren Kristus kusoned eki on komui duen me pan wiaui. 9 Ari so, pweki ai limpok on komui i men poeki ta re omui, pwe nai Paulus likailapalar o salidi en Kristus amen. 10 I poeki re omui nai seri Onesimus, me i wiadar ni ai salidi. 11 Me so katepa on komui mas o, a met a katepa on komui o nai. 12 I me i kapure on komui, komui ari apwali i, dueta pein monion i. 13 Pwe i mauki a en mimieta re i, pwen papa ia ni ai saliekidi ronamau, wiliandi komui, 14 A i sota men wia meakot, me sota pwili san kupur omui, pwe omui wia mau ender man sairen a somansairen. 15 Ele a tan san re omui ansau kis, pwe komui en pur on naineki i kokolata. 16 Kaidin due ladu amen, a mau san ladu amen, pwe due ri omui kompok amen; iduen re i, a re omui pan laud san ni pali uduk a o ni pali en Kaun. 17 Ma komui akawarok kin ia, apwali i dueta pein nai. 18 A ma a wia sapun on komui er, de pwaipwand on komui, i pan kapunala. 19 Met nai Paulus intinkier pein pa i, i pan pwain, ari so, i so pan inda, me komui pwaipwand ki on ia pein komui. 20 Ei ri ai, i men paiekin komui ren Kaun o, kainsenemauda monion i ren Kristus. 21 I kaporoporeki om peik, ap intin won komui. A i asa, me komui pan wia laud san, me inda. 22 I men, komui en kaonopada deu i, pwe i kaporoporeki, me i pan lapwadan komail ki omail kapakap. 23 En Epapras, ai warok ni ai salidi pan Kristus Iesus, a ranamau won komui. 24 O Markus, o Aristarkus, o Demas, o Lukas ai warok en dodok kan. 25 Mak en atail Kaun Iesus Kristus kin ian nen omail! Amen.